જિલ્લા કલેકટર મિહિર પટેલના અધ્યક્ષસ્થાને જિલ્લા અમલીકરણ સમિતિની બેઠક યોજાઈ

સુજલામ સુફલામ્ જળ અભિયાન કેચ ધ રેઇન ૨.૦ અંતર્ગત કુલ રૂ. ૩૦૬૦.૬૨ લાખના ૨૧૨૦ કામો મંજૂર કરાયા સુજલામ સુફલામ્ જળ અભિયાન કેચ ધ રેઇન ૨.૦- ૨૦૨૫ અંતર્ગત બનાસકાંઠા જિલ્લા કલેકટર મિહિર પટેલના અધ્યક્ષસ્થાને કલેકટર કચેરી,પાલનપુર ખાતે જિલ્લા અમલીકરણ સમિતિની બેઠક યોજાઈ હતી. બનાસકાંઠા જિલ્લામાં જળસંપત્તિ વિભાગના કુલ ૭૩૦.૨૯ લાખના ખર્ચે કુલ ૮૨ કામો કરવામાં આવેલ જેનો સરકારી ખર્ચ ૩૯૧.૬૧ લાખ રૂપિયા થાય છે. તથા ગ્રામ વિકાસ એજન્સીના કુલ ૧૬૩૭ કામો, વન વિભાગના કુલ ૫૧ કામો, વોટર સેડ વિભાગના કુલ ૪ કામો, સ.સ.ન.નિ.લી. વિભાગના કુલ ૧૧ કામો, નગરપાલિકાના કુલ ૨૨ કામો, જળસંપત્તિ વિભાગના કુલ ૧૬૭ કામો, પાણી પુરવઠા વિભાગના કુલ ૧૪૬ કામો આમ કુલ મળી રૂ. ૨૩૩૦.૩૩ લાખના ૨૦૩૮ કામો વિભાગીય રીતે પૂર્ણ થયેલ છે. આમ કુલ રૂ.૩૦૬૦.૬૨ લાખ ના ૨૧૨૦ કામો જિલ્લા અમલીકરણ સમિતિ દ્વારા મંજુર કરાયા હતા. આ બેઠકમાં વિવિધ વિભાગના નોડલ અને લાયઝન અધિકારીઓ ઉપસ્થિત રહ્યા હતા.