ડીસાથી રાજપુર જતાં માર્ગ પર રોડ ઠેર ઠેર તૂટી જતાં મોટા ખાડાઓ પડી જતાં વાહનચાલકો તથા રાહદારીઓ હેરાન પરેશાન થઈ ઉઠ્યા પામ્યા છે.
ડીસા નગરપાલિકા દ્વારા દરેક વોર્ડમાં વિકાસના કામો કરવામાં આવ્યા છે. ત્યારે વોર્ડ નં. ૧૧ માં આવેલ રાજપુર વિસ્તારમાં વિકાસ ના કામો ન થતાં લોકો હેરાન પરેશાન થઈ ઉઠ્યા છે. ભાજપ સરકાર વિકાસના કામોની વાત કરે છે. ત્યારે ડીસા નગરપાલિકામાં ભાજપનું શાસન હોવા છતાં હોતી હૈ ચલતી હૈ ની નીતિ અપનાવતા નગરપાલિકા સામે રોષ ફેલાઈ જવા પામ્યો છે. આ અંગે બાબુભાઈ ઠેકેદારે જણાવ્યું કે નગરપાલિકા દ્વારા ઘર વેરા સફાઈ વેરા સહિતના વેરા વસૂલ કરવામાં આવે છે. ત્યારે પાયાની સુવિધા રોડ, રસ્તા તથા ભૂગર્ભ ગટરની સુવિધા ન આપતા લોકો ભારે હેરાન ગીતી વેઠી રહ્યા છે. ત્યારે ચીફ ઓફિસર દ્વારા સર્વે કરી નવીન રોડ બનાવવામાં આવે તેવી માંગ છે. રોડ પર પડેલ ખાડાઓને લીધે દિવસમાં કેટલાય વાહનો પટકાય છે અને રિક્ષાઓ પણ પલટી ખાય જાય છે. ત્યારે કોઈ મોટી જાનહાનિ થાય તે પેહલા નગરપાલિકા દ્વારા વિકાસના ખાડા પુરવામાં આવે તેવી માંગ છે.
