ડીસાથી રણુજાધામ માટે પગપાળા સંઘનું પ્રસ્થાન: ૨૦૦થી વધુ પદયાત્રીઓ જોડાયા

શહેરના જાણીતા સેવાભાવી અને પરમ રામદેવપીર ભક્ત કનુભાઈ સોલંકી દ્વારા દર વર્ષની જેમ આ વર્ષે પણ ડીસાથી બાબા રામદેવજીના ધામ રણુજા (રાજસ્થાન) માટેના ભવ્ય પગપાળા સંઘનું સવારે ૧૦:૦૦ કલાકે ભાવિક ભક્તોની ઉપસ્થિતિમાં પ્રસ્થાન કરવામાં આવ્યું હતું.​પરમ શ્રદ્ધા અને ભક્તિમય વાતાવરણ વચ્ચે "જય બાબા રી"ના નાદ સાથે ઉપડેલા આ પદયાત્રા સંઘમાં ૨૦૦થી પણ વધુ યાત્રિકો ઉત્સાહભેર જોડાયા છે. દર વર્ષે કનુભાઈ સોલંકી દ્વારા પદયાત્રીઓ માટે રહેવા, જમવા અને તબીબી સારવાર સહિતની તમામ સુવિધાઓ સાથે આ સંઘનું સુંદર આયોજન કરવામાં આવે છે.

​ડીસાથી પ્રસ્થાન થયેલો આ પગપાળા સંઘ આગામી ૯મી સપ્ટેમ્બરના રોજ રણુજા ધામ ખાતે પહોંચશે, જ્યાં પદયાત્રીઓ બાબા રામદેવજીના ચરણોમાં શીશ નમાવી ધ્વજારોહણ કરશે અને દર્શન-પૂજન કરી ધન્યતા અનુભવશે. સંઘના પ્રસ્થાન સમયે સ્થાનિક મિત્રો શહેરના અગ્રણીઓ અને ભક્તોએ પદયાત્રીઓને શુભકામનાઓ પાઠવી હતી.