ડીસા પોલીસને મોટી સફળતા: સાર્થક બંગ્લોઝમાં ત્રાટકેલી ગેંગના સાગરીતો મુદ્દામાલ સાથે ઝડપાયા

ડીસાના પોશ વિસ્તાર ગણાતા સાર્થક બંગ્લોઝમાં ધોળા દિવસે થયેલી ચોરીની ચકચારી ઘટનામાં ડીસા પોલીસને મોટી સફળતા મળી છે. બંધ મકાનને નિશાન બનાવી લાખો રૂપિયાના સોના-ચાંદીના દાગીના સાફ કરી જનાર શાતિર ગેંગના સાગરીતોને પોલીસે મુદ્દામાલ સાથે દબોચી લીધા છે. ધોળા દિવસે થયેલી આ ચોરીના પગલે શહેરમાં કાયદો અને વ્યવસ્થા સામે સવાલો ઉઠ્યા હતા, ત્યારે પોલીસે ટેકનિકલ સર્વેલન્સ અને સીસીટીવી (CCTV) ફૂટેજના આધારે ગણતરીના દિવસોમાં જ આ ગુનાનો ભેદ ઉકેલી નાખ્યો છે.