ગુજરાતમાં સુરક્ષા એજન્સીઓએ એક મોટી સફળતા હાંસલ કરી છે. ગુજરાત ATS (Anti-Terrorist Squad) અને બનાસકાંઠા SOG (Special Operations Group) દ્વારા કરવામાં આવેલી સંયુક્ત કાર્યવાહીમાં આંતરરાષ્ટ્રીય કનેક્શન ધરાવતા ખૂંખાર અપરાધીને દબોચી લેવામાં આવ્યો છે. ઝડપાયેલો આરોપી પાકિસ્તાની ગેંગસ્ટર સહેજાદ ભટ્ટ ગેંગનો સક્રિય સાગરીત હોવાનું બહાર આવ્યું છે. બિક્રમજીતસિંઘ ઉર્ફે વિક્કી ગુજરાત ATS અને બનાસકાંઠા સોંગ એ પંજાબના ગ્રેનેડ સ્મગલિંગ કેસમાં લાંબા સમયથી ફરાર ગ્રેનેડ સ્મગલિંગ અને ISI કનેક્શન તપાસ દરમિયાન અત્યંત ચોંકાવનારા ખુલાસા થયા છે. પકડાયેલો આરોપી બિક્રમજીતસિંઘ ઉર્ફે વિક્કી પંજાબમાં થયેલા ગ્રેનેડ સ્મગલિંગના ગંભીર ગુનામાં સંડોવાયેલો હતો અને પોલીસ તેને લાંબા સમયથી શોધી રહી હતી. ISI સાથે સીધું જોડાણ: > પ્રાથમિક તપાસ મુજબ, આ આરોપી પાકિસ્તાની ગુપ્તચર એજન્સી ISI સાથે જોડાયેલા નેટવર્ક માટે કામ કરતો હતો. તે પંજાબમાં ગ્રેનેડ હુમલાના કાવતરામાં મુખ્ય ભૂમિકા ભજવી રહ્યો હતો અને દેશની સુરક્ષા સામે મોટો ખતરો ઉભો કરવાનો પ્રયાસ કરી રહ્યો હતો.ગુજરાતમાં આશરો લીધો હતો
પોલીસની પકડથી બચવા માટે વિક્કીએ ગુજરાતના બનાસકાંઠા જિલ્લાના ડીસા વિસ્તારમાં આશરો લીધો હતો. ચોક્કસ બાતમીના આધારે ATS અને SOGની ટીમે ડીસાના એક ઢાબા પર ઓપરેશન હાથ ધરીને તેને ઝડપી પાડ્યો હતો. આ ધરપકડથી આંતરરાષ્ટ્રીય ડ્રગ્સ અને હથિયાર સ્મગલિંગના નેટવર્ક પર મોટો પ્રહાર થયો હોવાનું મનાઈ રહ્યું છે. હાલમાં સુરક્ષા એજન્સીઓ આરોપીની સઘન પૂછપરછ કરી રહી છે. આ નેટવર્ક સાથે ગુજરાત કે અન્ય રાજ્યના કેટલા લોકો જોડાયેલા છે અને તેના આગામી મનસૂબા શું હતા, તે દિશામાં તપાસ તેજ કરવામાં આવી છે. પંજાબ પોલીસને પણ આ મામલે જાણ કરવામાં આવી છે જેથી ગ્રેનેડ સ્મગલિંગ કેસમાં વધુ કડીઓ મેળવી શકાય.
