ચાણસ્મા હાઈવે પર અકસ્માત: કપાસ ભરેલું ટ્રેક્ટર પલટી જતાં રોડ પર કપાસના થર લાગ્યા

ચાણસ્મા શહેરના હાઈવે માર્ગ પર ચાલતી કામગીરી વચ્ચે ગતરોજ એક ટ્રેક્ટર પલટી જવાની ઘટના બની હતી. ઉનાવા ગામે કપાસ ભરીને જઈ રહેલું ટ્રેક્ટર જ્યારે સર્વિસ રોડ પરથી પસાર થઈ રહ્યું હતું, ત્યારે અગમ્ય કારણોસર ટ્રોલી સહિત ગુલાંટ મારી ગયું હતું.અકસ્માત એટલો જોરદાર હતો કે ટ્રોલીમાં ભરેલો તમામ કપાસ રોડ પર ઠલવાઈ ગયો હતો. જોકે, ''રામ રાખે તેને કોણ ચાખે''ની ઉક્તિ મુજબ ટ્રેક્ટર ચાલકનો ચમત્કારિક બચાવ થયો હતો.ઘટનાને પગલે સર્વિસ રોડ પર ટ્રાફિક જામના દ્રશ્યો સર્જાયા હતા.વહીવટી તંત્ર અને સ્થાનિકોએ તાત્કાલિક જેસીબી બોલાવી ટ્રેક્ટર-ટ્રોલીને રોડ પરથી હટાવ્યા હતા અને વાહનવ્યવહાર ફરી શરૂ કરાવ્યો હતો.