ડીસાના મોટી આખોલમાં સી.એન.જી. ઇકો ગાડીમાં આગ ભભૂકી ઉઠી

આગના પગલે ઘટનાસ્થળે લોકોના ટોળેટોળા ઉમટ્યા : સી.એન. જી. ઇકો ગાડીના માલિકને મોટું નુકશાન વેઠવાનો વારો ડીસા તાલુકાના મોટી આખોલમાં આવેલ અંબાજી માતાજીના મંદિર નજીક રહેતાં ટીનાજી ગંભીરજી ઠાકોરની સી.એન.જી. ઇકો ગાડી (નં. GJ-13-AM-7019) માં મંગળવારે વહેલી પરોઢે અચાનક ગેસ લીકેજ થતાં આગ ભભૂકી ઉઠતાં લોકોમાં દોડધામ મચી ગઇ હતી. ત્યારે સી.એન.જી. ઇકો ગાડીના માલિકે પાણીનો મારો ચલાવ્યો હતો અને તાત્કાલીક ડીસા ફાયર-ફાઇટરની ટીમના ફાયરમેન ડ્રાઇવર ભરતકુમાર કે. માળી અને ફાયરમેન કમ ડ્રાઇવર ધનાજી સોમાજી પરમાર ઘટનાસ્થળે દોડી આવી સતત પાણીનો મારો ચલાવી આગ પર કાબુ મેળવ્યો હતો. આ બનાવના પગલે આજુબાજુના લોકોના ટોળેટોળા ઘટનાસ્થળે ઉમટ્યા હતા. જ્યારે સી.એન.જી. ઇકો ગાડીના માલિકને સી.એન.જી. ઇકો ગાડીને ગેસ લીકેજ થવાના કારણે બળીને ખાખ થઇ જતાં મોટું નુકશાન વેઠવાનો વારો આવ્યો છે.