ગુજરાત રાજ્ય ચૂંટણી આયોગ દ્વારા જાહેર કરાયેલા કાર્યક્રમ મુજબ પાટણ જિલ્લામાં સ્થાનિક સ્વરાજ્યની સંસ્થાઓનો જંગ જામ્યો છે. લાંબા સમયની રાહ જોયા બાદ અને પ્રદેશ હાઈકમાન્ડ સાથેના મંથન પછી ભાજપ દ્વારા પાટણ જિલ્લા પંચાયત, વિવિધ તાલુકા પંચાયતો અને નગરપાલિકાઓ માટે ઉમેદવારોના નામ જાહેર કરવામાં આવ્યા છે. યાદી જાહેર થતાની સાથે જ ભાજપના કાર્યાલયો પર વિજયના વિશ્વાસ સાથે ફટાકડા ફોડીને વધામણાં કરવામાં આવ્યા હતા. હવે આગામી દિવસોમાં આ ઉમેદવારો દ્વારા શક્તિ પ્રદર્શન સાથે ફોર્મ ભરવાની પ્રક્રિયા હાથ ધરવામાં આવશે. બીજી તરફ, ટિકિટ ન મળતા નારાજ થયેલા કાર્યકરોને મનાવવા માટે પણ પક્ષના વરિષ્ઠ નેતાઓ સક્રિય થયા છે.
