ભાભરનો યુવક 9.56 ગ્રામ ડ્રગ્સ સાથે રાજકોટ પોલીસના હાથે ઝડપાયો

આરોપીની કમિશન માટે ખેપ કરતો હોવાની કબૂલાત; કાઠીયાવાડની રાજકોટ પોલીસને શહેરના બસ સ્ટેન્ડ પાછળ આવેલ જય અંબે ટી સ્ટોલ નામની દુકાન સામે જાહેર રોડ ઉપર એક શખ્સ માદક પદાર્થ મેફેડ્રોનના જથ્થા સાથે ઉભો હોવાની ચોક્કસ બાતમી મળી હતી.જેથી પોલીસની ટીમે આકસ્મિક દરોડો પાડી આ શખસને અટકમાં લઈ નામ ઠામ પૂછતાં તેણે ધર્મેન્દ્ર ઉર્ફે નરેન્દ્ર ઉર્ફે લાલો બાબુ ભાટી (ઉ.વ.24, રહે-સણવા ગામ, તા.ભાભર,જી.બનાસકાંઠા) હોવાનું જણાવ્યું હતું. પોલીસે તેની અંગજડતી લેતા તેની પાસેથી 9.56 ગ્રામ મેફેડ્રોન (કિંમત રૂ.95600) ડ્રગ્સ સહિત રૂ.1 લાખનો મુદામાલ કબ્જે કરી તેની ધરપકડ કરી હતી. પોલીસે વધુમાં જણાવ્યું હતું કે, પકડાયેલ શખસને ભાભરના ઇમરાન ઘાંચી નામના શખ્સે એમડી ડ્રગ્સ આપી રાજકોટ સપ્લાય કરવા માટે મોકલ્યો હતો. આરોપીને એક ખેપના 2000 રૂપીયા કમીશન મળતું હતું. પોલીસે રાજકોટના ક્યાં પેડલરને ડ્રગ્સ સપ્લાય કરવાનો હતો અને તેને શોધી કાઢવા તથા ઇમરાનને ઝડપી લેવા તપાસ હાથ ધરી છે.