સાંચોર તરફથી લાવવામાં આવેલ બિયરનો જથ્થો જપ્ત; ટ્રક ચાલક ફરાર

થરાદ પોલીસે દૂધવા ગામના પાટીયા નજીક ભારતમાલા રોડ પર મોટી કાર્યવાહી કરી છે. પોલીસે બાતમીના આધારે નાકાબંધી કરી મિની ટ્રક (GJ27U8767)ને રોકી હતી. ટ્રકના ચાલકે પોલીસને જોતાં જ વાહન મૂકીને નાસી ગયો હતો. તપાસ દરમિયાન ટ્રકમાંથી 3,072 બિયર ટીન મળી આવ્યા હતા. આ બિયરની કિંમત રૂ. 7,24,992 છે. પોલીસે બિયર અને ટ્રક સહિત કુલ રૂ. 12,24,992નો મુદ્દામાલ જપ્ત કર્યો છે. સાંચોર તરફથી લાવવામાં આવેલા આ બિયરના જથ્થા અંગે પોલીસે તપાસ શરૂ કરી છે. થરાદ પોલીસે ટ્રકના ચાલક, માલિક, બિયરનો જથ્થો મંગાવનાર અને ભરાવનાર તમામ વિરુદ્ધ પ્રોહિબિશન એક્ટ હેઠળ કાર્યવાહી શરૂ કરી છે.