બનાસકાંઠા પોલીસને મોટી સફળતા : ડીસા અને થરાદના ચોરીના ગુનાઓ ઉકેલાયા, રીઢો તસ્કર ઝડપાયો

બનાસકાંઠા જિલ્લા પોલીસ અધિક્ષક પ્રશાંત સુંબેની સૂચના અને ડીસા રૂરલ પોલીસ ઇન્સ્પેક્ટર શ્રી વી.એમ. ચૌધરીના માર્ગદર્શન હેઠળ ડીસા રૂરલ પોલીસે ઘરફોડ ચોરીના ગુનાઓનો ભેદ ઉકેલવામાં સફળતા મેળવી છે. પોલીસે બાતમીના આધારે બનાસ નદીના પટ પાસે શકમંદ હાલતમાં ઉભેલા એક ઈસમને ઝડપી પાડ્યો હતો. પોલીસે હિતેશપુરી ઉર્ફે એકશન બાબુપુરી ગૌસ્વામી (ઉ.વ. ૨૩, રહે. વંદના બંગ્લોઝ, ડીસા) નામના શખ્સની ધરપકડ કરી છે. તપાસ દરમિયાન સામે આવ્યું છે કે આ આરોપી વિરુદ્ધ બનાસકાંઠા, પાટણ અને મહેસાણા જિલ્લાના વિવિધ પોલીસ સ્ટેશનોમાં અગાઉ ૨૦ જેટલા ગુનાઓ નોંધાયેલા છે. આરોપીની પૂછપરછમાં ડીસા રૂરલ, ડીસા શહેર દક્ષિણ અને થરાદ વિસ્તારમાં થયેલી ચોરીઓની કબૂલાત થઈ છે. પાલનપુર હાઈવે પરના ગોડાઉનમાંથી લોખંડના દરવાજા અને ફુવારાની પાઈપોની ચોરી તેમજ ડીસાની આકાશવિલા અને સુખદેવનગર સોસાયટીમાં થયેલી સોના-ચાંદીના દાગીનાની ચોરી.તેમજ  થરાદના રાજપૂત છાત્રાલય પાસે આવેલી સોસાયટીમાં મકાન ચોરી આમ ​પોલીસે આરોપી પાસેથી ₹૧૨,૦૦૦ની કિંમતના લોખંડના દરવાજા/પાઈપ તથા ₹૭૦,૦૦૦ની કિંમતનું ૮.૧૪૦ મિલીગ્રામ સોનું રિકવર કર્યું છે. હાલ પોલીસે આરોપીના રિમાન્ડ મેળવી વધુ તપાસ હાથ ધરી છે.