ડીસા-પાલનપુર હાઇવે પર દીપક હોટલ નજીક ભારે ટ્રાફિક ચક્કાજામ સર્જાતા વાહનોની લાંબી લાઈનો લાગી હતી. જેથી કલાકો સુધી વાહન વ્યવહાર ખોરવાઈ જતાં અનેક મુસાફરો અને વાહન ચાલકોને ભારે હાલાકીનો સામનો કરવો પડ્યો હતો.
ઘટનાની જાણ થતાં ટ્રાફિક પોલીસ તાત્કાલિક સ્થળ પર દોડી આવી હતી અને વાહન વ્યવહાર પૂર્વવત કરવાની કામગીરી હાથ ધરી હતી. આ માર્ગ પરથી પસાર થતા વાહન ચાલકોને સાવચેતી રાખવા અને શક્ય હોય ત્યાં સુધી વૈકલ્પિક માર્ગનો ઉપયોગ કરવા પોલીસ દ્વારા સૂચન કરવામાં આવ્યું છે.





