સરકારીની સુચના મુજબ આર.સી.એચ.ઓ. ડૉ. બ્રિજેશ વ્યાસ અને તાલુકા આરોગ્ય અધિકારી ડૉ.પ્રકાશ ચૌધરી ના માગૅદશૅન અને સીધા સુપરવિઝન હેઠળ હિટવેવ અંતર્ગત જિલ્લા કક્ષાની મોકડીલ નું આયોજન કરવામાં આવ્યું હતું. આરોગ્ય સ્ટાફ દ્વારા વડગામ બસસ્ટેશન ઉપર જતાં ભીડમાં ત્રણ માણસો અચાનક પડી ગયેલ જેમાં એક બેભાન બીજો,અર્ધ બેભાન,ત્રીજો માથું દુખાવો અને ઉબકા ઉલટી કરતાં જોવા મળ્યા,જે બસ્ટેન્ડ ના એક્ત્ર થયેલ લોકોએ નિહાળતાં દરેકના ચહેરા પર ભય અને ઉદાસીનતા જોવા મળી હતી. દરમિયાન 108, ઈમરજન્સી સેવાને જાણ કરવામાં આવતાં ત્રણેય વ્યક્તિઓને વડગામ રેફરલ હોસ્પિટલમાં સારવાર અર્થે ખસેડવામાં આવ્યા હતા.
આમ ઉપરોકત બનાવ દરમિયાન તાત્કાલિક એમ્બ્યુલન્સ, રેફરલ હોસ્પિટલ સ્ટાફ,સમય મર્યાદામાં હાજર રહી તમામ સેવાઓ પૂરી પાડેલ અને આ મોકડીલ કાયૉક્રમ સફળ કરેલ. જે બદલ આર.સી.એચ.ઓ. ,ટી.એચ.ઓ.એ કાર્યક્રમમાં ભાગ લેનાર તમામનો આભાર વ્યક્ત કર્યો હતો.
