બનાસકાંઠા જીલ્લા કલેક્ટરે મોટી આખોલ ગ્રુપ ગ્રામ પંચાયતની શુભેચ્છા મુલાકાત લીધી

બનાસકાંઠા જીલ્લા કલેક્ટર મિહિરભાઈ પટેલે ગુરુવારે ડીસા તાલુકાની મોટી આખોલ ગ્રુપ ગ્રામ પંચાયતની શુભેચ્છા મુલાકાત લીધી હતી. આ મુલાકાત દરમિયાન તેમણે ગામના વિકાસના કામોની સમીક્ષા કરી હતી અને આગામી સમયમાં ગ્રામ પંચાયતને વધુ સુદ્રઢ બનાવવા તેમજ ગ્રાન્ટમાં વધારો કરવાની ખાતરી આપી હતી. ​કલેક્ટર મિહિરભાઈ પટેલે પંચાયત વિસ્તારમાં બાકી રહેલા વિકાસલક્ષી કામો સત્વરે પૂર્ણ કરવા અને નવા જરૂરી પ્રોજેક્ટ્સ હાથ ધરવા અંગે ગ્રામ પંચાયતના હોદ્દેદારો સાથે વિસ્તૃત ચર્ચા-વિચારણા કરી હતી. ગામમાં પાયાની સુવિધાઓમાં સુધારા- વધારા કરવા માટે તેમણે વહીવટી માર્ગદર્શન પણ પૂરું પાડ્યું હતું.​આ પ્રસંગે મોટી આખોલના સરપંચ કમળાબેન વિજુસિંહ પરમાર તથા તલાટી કમ મંત્રી ઈન્દ્રજીતભાઈ એ. ચોરાસીયા દ્વારા કલેક્ટરનું સાફો પહેરાવી અને મોં મીઠું કરાવીને ભાવભીનું સન્માન કરવામાં આવ્યું હતું.​આ મુલાકાત સમયે વહીવટી તંત્રના વિવિધ અધિકારીઓ અને કર્મચારીઓ ઉપસ્થિત રહ્યા હતા, જેમાં​વિપુલભાઈ કે. બારોટ (મામલતદાર, ડીસા), દલપતસિંહ રાઠોડ (સર્કલ ઓફિસર),​પ્રિયંકાબેન ત્રિવેદી (રેવન્યુ તલાટી), ​ઈકબાલભાઈ ચાવડા (ક્લાર્ક),​પ્રેમજીભાઈ ઠાકોર (વી.સી.ઈ. ઓપરેટર)​ ઉપરાંત શૈલેષભાઇ ઠાકોર, કુંવરજી જાદવ અને મોટી સંખ્યામાં ગ્રામજનોએ હાજર રહી કલેક્ટરના આ પ્રવાસને આવકાર્યો હતો. કલેક્ટરની આ મુલાકાતથી ગ્રામીણ સ્તરે વિકાસના કામોને નવી ગતિ મળશે તેવી આશા ગ્રામજનોએ વ્યક્ત કરી છે.