ભારતીય જનતા પાર્ટીના પદાધિકારીઓ આગેવાનો કાર્યકરો તેમજ તેમજ તાલુકાના પ્રતિષ્ઠિત આગેવાનો ઉપસ્થિત રહી શુભેચ્છાઓ પાઠવી
વડગામ તાલુકા પંચાયતના અધ્યક્ષ તેમજ સામાજિક ન્યાય સમિતિના ચેરમેન ની વરણી સોમવાર ના તાલુકા પંચાયતના હોલમાં કરાઇ હતી. જેમાં તાલુકા પંચાયતના કારોબારી અધ્યક્ષ સિધરાજસિંહ સોલંકી તેમજ સામાજિક ન્યાય સમિતીના ચેરમેન પદે ચંદ્રીકાબેન સોલંકીએ વિધિવત્ કાર્યભાર શુક્રવારના સવારે સંભાળ્યો હતો.
જેમાં અધ્યક્ષ તેમજ સામાજિક ન્યાય સમિતિના ચેરમેન ને તાલુકા પંચાયત દ્રારા અલગ અલગ અલગ ચેમ્બર ફાળવવામાં આવ્યા હતા. શુક્રવારથી અધ્યક્ષ અને સામાજિક ન્યાય સમિતિના ચેરમેન દ્રારા પ્રજાકીય કાર્યો કરવાનો શુભારંભ સાથે અધ્યક્ષ સિધરાજસિંહ સોલંકી એ જણાવ્યુ હતું સમગ્ર તાલુકાનો સહીયારો વિકાસ થાય અને તાલુકા ભરના જરૂરિયાતમંદ લોકોના કામો થાય તેવા અમારા પ્રયત્ન હશે.
તાલુકા પંચાયત ના અધ્યક્ષ તેમજ સામાજિક ન્યાય સમિતિના ચેરમેન ને શુભેચ્છાઓ પાઠવવા માટે બનાસકાંઠા જિલ્લાપંચાયતના ઉપપ્રમુખ બબીબેન દલજીભાઇ ચૌધરી,વડગામ તાલુકા પંચાયતના પ્રમુખ અનુબેન ઉપલાણા તાજેતરમાંજ સહકારી કો.ઓપરેટીવ બેન્ક ના વડગામ તાલુકા ડિરેક્ટર પદે નિમણુંક કરાયેલા માંઘજીભાઇ પટેલ, વડગામ તાલુકા ભાજપ પ્રમુખ કામરાજભાઇ ચૌધરી,ગોવિંદભાઇ પટેલ, સતીશભાઇ ભોજક, જિલ્લાપંચાયત પુર્વ સદસ્ય અને રેલવે ડિરેક્ટર બાલકૃષ્ણ જીરાલા, ભાજપ ગુજરાત પ્રદેશ અનુસૂચિત જાતિ મોરચાના ઉપાધ્યક્ષ અશ્વિન સક્સેના,કેશરભાઇ વાયડા, મહામંત્રી ડી.વી.સોલંકી વડગામના આગેવાન કાળુજી સોલંકી, પુર્વ સરપંચ ભગવાનસિંહ સોલંકી સહિત બહોળી સંખ્યામાં લોકો ઉપસ્થિત રહીને અધ્યક્ષ તેમજ સામાજિક ન્યાય સમિતિના ચેરમેનને શુભેચ્છાઓ પાઠવી હતી.
