પાલનપુરના ગઢ ખાતે યોજાયેલ ફ્રી નિદાન કેમ્પમાં અંદાજે એક હજાર દર્દીઓએ સેવાનો લાભ લીધો

પાલનપુર તાલુકાના ગઢ ખાતે 100 વર્ષ જૂની શેઠ જેઠાભાઈ નાનચંદદાસ ચેરિટેબલ હોસ્પિટલ ગઢ, રોટરી સેવાદળ ગઢ અને મેડિપોલિસ લાઇફ કેર હોસ્પિટલ સંયુક્ત ઉપક્રમે ફ્રી મેડિકલ ચેકઅપ કેમ્પનું આયોજન કરવામાં આવ્યું હતું. જેમાં પાલનપુરના નામાંકિત ડોકટરોની ટીમ દ્ધારા ગઢ પંથકના ગામોના અંદાજે એક હજાર જેટલા દર્દીઓએ ફ્રી મેડિકલ ચેકઅપ કેમ્પનો લાભ લીધો હતો. આ કેમ્પમાં સારવાર લેવા આવનાર દર્દીઓને ફ્રી દવા,તેમજ વિના મૂલ્યે રિપોર્ટ કરીને નિદાન કરવામાં આવતા લાભાર્થીઓએ આયોજકોની કામગીરીને બિરદાવી હતી.મેડિપોલિસ લાઇફ કેર દ્વારા ગઢ પંથકના લોકોને આરોગ્યની સારવાર મળી રહે તે ઉદેશ્ય સાથે ફ્રી મેડિકલ સેવા કેમ્પનું આયોજન કરવામાં આવતા મેડિકલ કેમ્પનો લાભ લીધેલ લોકોએ તેમની સરાહનીય કામગીરીને બિરદાવી હતી.