અરવલ્લીના ધનસુરા પોલીસ મથકે સરપંચ સામે ફરિયાદ: ખડોલ સરપંચ સહિત ૪ શખ્સો સામે મારપીટ અને ધમકીનો ગુનો દાખલ

અરવલ્લી જિલ્લાના ધનસુરા તાલુકાના ખડોલ ગામના સરપંચ ફરી એકવાર વિવાદોમાં સપડાયા છે. સામાન્ય બાબતમાં કાયદો હાથમાં લઈ ધમકી આપવા તેમજ માર મારવા બદલ ધનસુરા પોલીસ મથકે ખડોલના સરપંચ સહિત કુલ ચાર વ્યક્તિઓ સામે ગુનો નોંધાતા સ્થાનિક રાજકારણમાં ગરમાવો આવી ગયો છે. પોલીસે આ મામલે કાયદેસરની કાર્યવાહી હાથ ધરી છે.