અમીરગઢ; એલસીબી પોલીસે હોન્ડાસીટી કારમાંથી વિદેશી દારૂ ઝડપી પાડ્યો

બનાસકાંઠા જિલ્લા પોલીસ અધિક્ષક પ્રશાંત સુંબેની સૂચના મુજબ એલસીબી પોલીસે અમીરગઢ વિસ્તારમાં દારૂની હેરાફેરી ઝડપી પાડી છે. ઈકબાલગઢથી જાંજરવા તરફ જતા હાઈવે પરથી પોલીસે હોન્ડા સીટી કાર (GJ02EC9489)માંથી ભારતીય બનાવટના વિદેશી દારૂની 825 બોટલ અને ટીન કબજે કર્યા છે. આ દારૂની કિંમત રૂ. 2,52,440 છે. કુલ મુદ્દામાલની કિંમત રૂ. 5,52,440 થાય છે. પોલીસે આવલ ગામના રજુસિંહ સમેરસિંહ ડાભીને પકડ્યો છે. જ્યારે કારના ચાલક દુર્જનસિંહ પચાણસિંહ ડાભી અને વિરેન્દ્રસિંહ ઉમનસિંહ ડાભી ફરાર થઈ ગયા છે. મોટરસાયકલ પર પાયલોટિંગ કરનાર નરેન્દ્રસિંહ જેસળસિંહ ડાભી પણ ફરાર છે. આર્થિક લાભ માટે કરાયેલા આ ગુના સંદર્ભે અમીરગઢ પોલીસ સ્ટેશનમાં કાયદેસરની કાર્યવાહી શરૂ કરવામાં આવી છે.