આગથળા પોલીસે ભાકડીયાલ-ઘાણાની સીમમાં વિદેશી દારૂ ભરેલું પીકઅપ ડાલુ ઝડપ્યું

પોલીસે પીછો કરતાં ચાલક ડાલું મૂકી રફુચક્કર; આગથળા પીઆઈ આર.આર. રાઠવા પોલીસ સ્ટાફ સાથે પોલીસ સ્ટેશન વિસ્તારમાં પેટ્રોલીંગમાં હતા.તે દરમ્યાન બાતમી મળેલ કે જડીયાલી-ભાકડીયાલ રોડ તરફથી એક પીકઅપ ડાલુ (નં.જીજે 13 એએક્સ 0833) ભારતીય બનાવટનો વિદેશી દારૂ ભરી આવનાર છે. જે બાતમી આધારે જડીયાલી-ભાકડીયાલ રોડ ઉપર આવેલા પીકઅપ ડાલાને હાથનો ઈશારો કરી ડાલુ રોકવા જણાવતાં ચાલકે ડાલુ ઉભું રાખેલ નહિ.તેથી પોલીસે પીછો કરતાં ભાકડીયાલ-ઘાણા કાચા શેરીયામાં ડાલુ મુકી જાડી-જાંખરનો લાભ લઈ ચાલક નાશી ગયેલ. જે પીકઆપ ડાલામાંથી ભારતીય બનાવટના વિદેશી દારૂની બોટલ નંગ-૧૩૪૪ (કિ. રૂા.૨,૯૫,૧૫૨/-) તથા પીકઅપ ડાલુ (કિ.રૂ.૩,૦૦,૦૦૦/) મળી કુલ રૂા.૫,૯૫,૧૫૨/- નો મુદામાલ હેરાફેરી કબ્જે કરી પોલીસે ફરાર ચાલક વિરુદ્ધ કાયદેસરની કાર્યવાહી હાથ ધરી છે.