નશીલા પદાર્થોના સામે કાર્યવાહી; બે કરોડ રૂપિયાની કિંમતના નશીલા પદાર્થોનો નાશ કર્યો

બનાસકાંઠા જિલ્લા પોલીસે નશીલા પદાર્થોના વેચાણ સામે મોટી કાર્યવાહી કરી છે. જિલ્લા ડ્રગ્સ ડિસપોઝલ કમિટીએ કચ્છના ભચાઉ ખાતે આવેલી ફેક્ટરીમાં 2.18 કરોડ રૂપિયાની કિંમતના નશીલા પદાર્થોનો નાશ કર્યો છે.પોલીસે અલગ-અલગ 25 NDPS કેસમાંથી જપ્ત કરેલો 2,627.369 કિલોગ્રામ જથ્થો નષ્ટ કરવામાં આવ્યો છે. આ જથ્થામાં ગાંજો, પોષડોડા, ચરસ અને એમડી ડ્રગ્સનો સમાવેશ થાય છે. વધુમાં, 7,679 પ્રતિબંધિત ટેબ્લેટ્સનો પણ નાશ કરવામાં આવ્યો છે.જિલ્લા પોલીસ વડા પ્રશાંત સુમ્બેના માર્ગદર્શન હેઠળ આ સમગ્ર કાર્યવાહી હાથ ધરવામાં આવી હતી. બનાસકાંઠા પોલીસ નશીલા પદાર્થોનું વેચાણ કરતા વ્યક્તિઓ સામે કડક કાર્યવાહી કરી રહી છે.