ઊંઝા બ્રાહ્મણવાડા હાઇવે પર પસાર થઇ રહેલ ગાડી અને આઇશર ટ્રક વચ્ચે અકસ્માત: દંપતીને ઇજા

ઊંઝા પોલીસ સ્ટેશનમાં ફરિયાદ નોંધાઇ; ઊંઝા સિદ્ધપુર હાઇવે રોડ પર બ્રાહ્મણવાડા ગામ નજીક ગાડી લઈ પાલનપુર જઈ રહેલ ચાલકને એક ટ્રક અચાનક બેદરકારીપૂર્વક જમણી બાજુએ કટ ઉપર વળી જતા અકસ્માત સર્જાયો હતો જેમાં દંપતીને ઇજાઓ પહોંચતા સારવાર અર્થે હોસ્પિટલ ખસેડવામાં આવ્યા હતા. આ બનાવ સંદર્ભે ઊંઝા પોલીસે આઇશર ટ્રકના ચાલક સામે ગુનો દાખલ કરી વધુ તપાસ હાથ ધરી છે. પ્રાપ્ત વિગતો અનુસાર પાલનપુર ખાતે આવેલ તિરૂપતિ બેંગલોઝમાં રહેતા શૈલેષ કુમાર બાબુભાઈ રાજગોર રહે છે. જેઓ પોતાની પત્ની હિનાબેન સાથે પુત્ર ઇંગ્લેન્ડથી આવતો હોઈ અમદાવાદ લેવા ગયા હતા બાદમાં પરત પાલનપુર ફરી રહ્યા હતા. જેઓ બ્રાહ્મણવાડા હાઇવે પર પસાર થઇ રહ્યા હતા તે દરમિયાન એક આઇશર ટ્રકના ચાલકે પોતાની ટ્રક ગાડી પૂરઝડપે અને ગફલતભરી રીતે હંકારી અચાનક બેદરકારી પૂર્વક જમણી બાજુએ કટ ઉપર વળી જઈ ગાડીને અક્સ્માત કરી શૈલેષભાઈ અને તેઓની પત્ની હિનાબેનને નાની મોટી ઇજાઓ પહોચતા સારવાર અર્થે હોસ્પિટલ ખસેડવામાં આવ્યા હતા જ્યાંથી વધુ સારવાર અર્થે હોસ્પિટલ ખસેડવામાં આવ્યા છે. આ બનાવ સંદર્ભે ઊંઝા પોલીસે શૈલેષભાઈના નિવેદને આધારે આઇશર ટ્રકના ચાલક સામે ગુનો દાખલ કરી વધુ તપાસ હાથ ધરી છે.