પાલનપુરમાં યુવતી પર દુષ્કર્મ ગુજારનાર એકેડમીનો સંચાલક ઝડપાયો

પાલનપુરમાં એક ડિફેન્સ એકેડમી ના સંચાલકે યુવતી પર દુષ્કર્મ આચર્યું હતું. પોલીસ અને આર્મી ની નોકરીની ટ્રેનિંગ માટે એકેડેમી માં આવતી યુવતી પર દુષ્કર્મ ગુજારનાર આરોપીને પોલીસે દ્વારકાથી ઝડપી લઈ વધુ તપાસ હાથ ધરી છે. પાલનપુરની લાઈફ ડિફેન્સ એકેડેમીના સંચાલકે નોકરી અપાવવા અને પાસ કરાવવાની લાલચ આપી યુવતીનો ફાયદો ઉઠાવ્યો હતો. સંચાલક પ્રવીણ કાંગશિયાએ ટ્રેનિગ માટે આવેલી યુવતીનો બિભત્સ વીડિયો ઉતારી લીધો હતો. જે બાદ યુવતીને બ્લેકમેલ કરીને વારંવાર દુષ્કર્મ આચર્યું હોવાનો આક્ષેપ યુવતીએ લગાવ્યો હતો. જે મામલે યુવતી એ પાલનપુર પૂર્વ પોલીસ મથકમાં ફરિયાદ નોંધાવી હતી. આરોપી આરોપી કાંગશીયા સામે અગાઉ છેડતી તેમજ પોસ્કો સહિતની અનેક ફરિયાદો નોંધાયેલી છે. પાલનપુર પૂર્વ પોલીસે યુવતીની ફરિયાદને આધારે આરોપી ડિફેન્સ એકેડેમી સંચાલકની શોધખોળ હાથ ધરી હતી. જે મામલે પોલીસે વધુની તપાસ હાથ ધરી હતી. પાલનપુર પૂર્વ પોલીસે આરોપી સંચાલ પ્રવીણ કાંગશીયા ની દ્વારકાથી અટકાયત કરીને વધુની તપાસ હાથ ધરી હતી.