ડીસાના વડલાપુરા ત્રણ રસ્તા પાસે કાળમુખી કારની ટક્કરે યુવકનું કરુણ મોત

યુવક રોડ ક્રોસ કરી રહ્યો હતો ત્યારે કાર ચાલકે ટક્કર મારી

ડીસા તાલુકાના વડલાપુરા ત્રણ રસ્તા નજીક રસ્તો ક્રોસ કરી રહેલા યુવકનું કારની ટક્કરે સારવાર દરમિયાન મોત થયું હતુ. આ અંગે કાર ચાલક સામે ભીલડી પોલીસ મથકે ફરિયાદ નોંધાવી હતી.

ડીસા તાલુકાના મુડેઠા ખેતાણીપાર્ટીના જયરામભાઇ સગરામભાઇ રાવળ (ઉ.વ.34) બુધવારે વડલાપુરા ત્રણ રસ્તાએ રોડ ક્રોસ કરી રહ્યા હતા. ત્યારે કાર નં. જીજે. 06. સી. એમ. 8975ના ચાલકે ટક્કર મારી હતી. અકસ્માતમાં જયરામભાઇને ગંભીર ઇજા થતાં સારવાર માટે ખસેડાયા હતા. જ્યાં સારવાર દરમિયાન તેમનું મોત થયું હતુ. આ અંગે અરવિંદભાઇ સગરામભાઇ રાવળે કાર ચાલક સામે ભીલડી પોલીસ મથકે ફરિયાદ નોંધાવી હતી.