બનાસકાંઠા જિલ્લા મુખ્યાલય પાલનપુર સ્થિત જિલ્લા કલેકટર કચેરીની લિફ્ટમાં એક યુવક અટવાયો હોવાનો બનાવ પ્રકાશમાં આવ્યો હતો. જોકે, ટેક્નિકલ ખામી સર્જાતા ફસાયેલા યુવકને જહેમત બાદ હેમખેમ બહાર કઢાયો હતો. પાલનપુરની કલેકટર કચેરીની લિફ્ટમાં એક યુવક અટવાયો હોવાનો એક વીડિઓ સોશિયલ મીડિયામાં વાયરલ થયો હતો. 21 સેકન્ડના વીડિયોમાં કેટલાક લોકો ભેગા થઈ યુવકને લિફ્ટનો દરવાજો ખોલીને યુવકને ખેંચીને કાઢતા હોવાનું દેખાઇ રહ્યું છે.
બનાસકાંઠા જિલ્લા મુખ્ય મથક પાલનપુર ખાતે આવેલ કલેક્ટર કચેરીની લિફ્ટમાં યુવક અટવાયો હતો. કલેક્ટર કચેરીમાં આવેલી લિફ્ટમાં એક યુવક નીચેથી ઉપર જઈ રહ્યો હતો. દરમિયાન લિફ્ટ અધવચ્ચે અટવાઈ હતી અને લિફ્ટમાં યુવક ફસાયો હતો. લિફ્ટમા ટેક્નિકલ ખામી સર્જાતા અન્ય લોકો પણ દોડી આવ્યા હતા. અને લિફ્ટ માંથી યુવકને બહાર કાઢવાના પ્રયત્નો હાથ ધર્યા હતા. લોકો અને કર્મચારીઓ ની ભારે જહેમત બાદ લિફ્ટનો દરવાજો ખોલી અધ વચ્ચે ફસાયેલી લિફ્ટમાંથી યુવકને લોકો દ્વારા ખેંચીને હેમખેમ બહાર કાઢવામાં આવ્યો હતો.
