પાલનપુરમાં મોડી રાત્રે કોમર્શિયલ કોમ્પલેક્ષમાં લાગી આગ

પાલનપુરના કોઝી વિસ્તારમાં આવેલા કોમર્શિયલ કોમ્પ્લેક્ષમાં મોડી રાત્રે આગ લાગવાની ઘટના બની હતી. કોમ્પ્લેક્ષના બીજા માળે આવેલી દુકાનોમાં અચાનક આગ ભભૂકી ઊઠી હતી. આ ઘટનાથી વિસ્તારમાં અફરાતફરીનો માહોલ સર્જાયો હતો.આગની જાણ થતાં જ પાલનપુર પાલિકાની ફાયર બ્રિગેડની ટીમ તાત્કાલિક ઘટનાસ્થળે પહોંચી ગઈ હતી. ફાયર ફાઈટર્સે પાણીનો મારો ચલાવીને આગ પર કાબૂ મેળવ્યો હતો. આગમાં દુકાનોમાં રાખેલો તમામ માલસામાન બળીને ખાક થયાનું અનુમાન છે, જેના કારણે દુકાન માલિકોને મોટું આર્થિક નુકસાન થયું છે. સદનસીબે, આ ઘટનામાં કોઈ જાનહાનિ થઈ નથી અને ફાયર બ્રિગેડની ત્વરિત કામગીરીને કારણે મોટી દુર્ઘટના ટળી હતી. આગ લાગવાનું ચોક્કસ કારણ હજુ સુધી જાણી શકાયું નથી અને તેની તપાસ ચાલુ છે.

પાલનપુરમાં મોડી રાત્રે કોમર્શિયલ કોમ્પલેક્ષમાં લાગી આગ

સંબંધિત સમાચાર

અમીરગઢની બનાસ નદીમાં નવા નીર : ચાલુ વર્ષે પહેલીવાર પાણી આવતા ખેડૂતોમાં ખુશી

ડીસાના લિઝા કોમ્પલેક્ષ પાછળ દુકાનના ભોંયરામાંથી આધેડની લાશ મળતા અરેરાટી

ડીસાના કાંટ પાસે ટ્રેલર અને સ્વિફ્ટ કાર વચ્ચે ગંભીર અકસ્માત

દાંતીવાડાના ખેડા ભાખર ગામે મકાનમાં વીજળી પડી