પાટણ યુનિવર્સિટીમાં ફરજ બજાવતા ૫૫ વષૅ થી ઉપર ની ઉમરના ૨૧ સિક્યુરિટી ને છુટા કરાયા

પાટણ હેમચંદ્રાચાર્ય ઉત્તર ગુજરાત યુનિવર્સિટી માં ખાનગી એજન્સી દ્વારા નિયુક્ત ૨૧ સિક્યુરિટી કર્મચારીઓને વયમર્યાદા ના કારણે નોકરી માંથી છૂટા કરવામાં આવ્યાહોવાનું જાણવા મળ્યું છે. સિક્યુરિટી એજન્સીએ ૫૫ વર્ષથી વધુ ઉંમર ધરાવતા કર્મચારીઓને છૂટા કરવાના નિર્ણયથી વર્ષો થી યુનિવર્સિટી મા સિક્યુરિટી તરીકે ફરજ બજાવતા કર્મચારીઓ મુશ્કેલીમાં મૂકાયા છે.અને તેમના માટે પોતાના પરિવારનું ગુજરાન ચલાવવું મુશ્કેલ બનતાં કર્મચારીઓએ કુલપતિ પ્રો..કે.સી.પોરિયાને રજૂઆત કરી છે કે જો સિક્યુરિટી ગાર્ડ તરીકે નોકરી ન મળે તો તેઓને યુનિવર્સિટીમાં અન્ય કોઈ જગ્યાએ સમાવવામાં આવે વળી વર્તમાન ખાનગી એજન્સીનું ટેન્ડર પણ પૂરું થવાની અણી પર છે. કર્મચારીઓમાં ચિંતા વ્યાપી છે કે આગામી સમયમાં બાકીના સિક્યુરિટી કર્મચારીઓને પણ છૂટા કરવામાં આવશે. એવી ચર્ચાઓ પણ ચાલી રહી છે કે ભવિષ્યમાં તમામ સિક્યુરિટી ગાર્ડની જગ્યાઓ GISF (ગુજરાત ઇન્ડસ્ટ્રિયલ સિક્યુરિટી ફોર્સ) મારફતે ભરવામાં આવશે.