મહેસાણા ખાતે એસટી કર્મચારી મંડળની ક્રેડિટ સોસાયટીની ચૂંટણીનું આયોજન કરવામાં આવ્યું છે. એસટી કર્મચારી મંડળ મહેસાણા વિભાગના જનરલ સેક્રેટરી શિવરામભાઈ ચૌધરીએ આ અંગેની માહિતી આપી હતી. આ ક્રેડિટ સોસાયટીની કુલ 14 બેઠકો માટે સામાન્ય ચૂંટણી યોજાઈ રહી છે. આ ચૂંટણીમાં સોસાયટીના આશરે 4,700 જેટલા સભાસદ કર્મચારીઓ પોતાના મતાધિકારનો ઉપયોગ કરી રહ્યા છે.
આ ચૂંટણીમાં મુખ્યત્વે મજૂર મહાજન અને કર્મચારી મંડળની સંયુક્ત પેનલ તેમજ સામે ભારતીય મજૂર સંઘની પેનલ વચ્ચે સીધો જંગ ખેલાઈ રહ્યો છે. મહત્વનું છે કે મતદાન પ્રક્રિયા પૂર્ણ થયા બાદ આજે સાંજે 4:00 વાગ્યા પછી તરત જ સ્થળ પર જ મતગણતરી હાથ ધરવામાં આવી હતી. જેમાં સાંજે મત ગણતરી હાથ ધરવામાં આવતા ઊંઝા ડેપોના ઉમેદવાર ચેતનભાઈ ચૌધરીનો 174 મતે ભવ્ય વિજય થયો હતો.
