એશિયાની સુપ્રસિદ્ધ એપીએમસી ઊંઝા ખાતે ભારત સરકાર તથા ગુજરાત સરકારના ઉચ્ચ અધિકારીઓએ સદ્ભાવ મુલાકાત લીધી હતી. આ મુલાકાત દરમિયાન બજાર સમિતિ ઊંઝાની કાર્યપદ્ધતિ, ખેડૂતો અને વેપારીઓ માટેની સુવિધાઓ તેમજ માર્કેટિંગ યાર્ડના વિકાસ કાર્યો વિશે વિસ્તૃત ચર્ચા કરવામાં આવી હતી. એપીએમસી ઊંઝાના ચેરમેન દિનેશભાઈ પટેલ તરફથી ઉપસ્થિતિ મહાનુભાવોનું હાર્દિક સ્વાગત કરવામાં આવ્યું. ખેડૂત ઉત્થાન અને વેપારીઓના હિત માટે એપીએમસી ઊંઝા હંમેશાં કટિબદ્ધ છે.
આ મુલાકાતમાં આશિષ ચંદ્રા સચિવ કૃષિ ભારત સરકાર, રાહુલ સિંઘ અધિક સચિવ ભારત સરકાર, પ્રભાતકુમાર હોર્ટિકલ્ચર કમિશનર ભારત સરકાર, કપિલ મીણા ડાયરેક્ટર એન.એચ.બી., જીલ્લા વિકાસ અધિકારી મહેસાણા એચ.એમ.ચાવડા બાગાયત નિયામક ગુજરાત સરકાર, કે.એમ.પટેલ એમ.ડી. ગુજરાત રાજ્ય બીજ નિગમ સહિત મહાનુભાવો ઉપસ્થિત રહ્યા હતા.
