ઉનાવા કપાસ વેપારી મંડળીની માંગણી તથા દિવાળીના પાવન તહેવારોને ધ્યાનમાં રાખીને ખેતીવાડી ઉત્પન્ન બજાર સમિતિ ઉનાવા દ્વારા એક મહત્વપૂર્ણ જાહેર સૂચના આપવામાં આવી છે. આ નિર્ણય મુજબ, ઉનાવા માર્કેટયાર્ડનું તમામ પ્રકારનું કામકાજ નિશ્ચિત તારીખો દરમિયાન બંધ રહેશે. મળેલી માહિતી મુજબ, ઉનાવા માર્કેટયાર્ડમાં તા. ૦૬/૧૧/૨૦૨૬ (શુક્રવાર) થી તા. ૧૪/૧૧/૨૦૨૬ (શનિવાર) સુધી માર્કેટયાર્ડનું તમામ કામકાજ સંપૂર્ણપણે બંધ રાખવામાં આવશે.
તારીખ ૧૬ નવેમ્બરથી માર્કેટયાર્ડ ફરી ધમધમશે. દિવાળીના તહેવારોની રજાઓ પૂર્ણ થયા બાદ તા. ૧૬/૧૧/૨૦૨૬ (સોમવાર) થી શુભ મુહૂર્તમાં માર્કેટયાર્ડનું તમામ કામકાજ રાબેતા મુજબ પુનઃ શરૂ કરવામાં આવશે તેમ ઉનાવા એપીએમસીના સેક્રેટરી રાજેન્દ્રભાઈ પટેલે જણાવ્યું હતું. આ અંગે ખેતીવાડી ઉત્પન્ન બજાર સમિતિ, ઉનાવા દ્વારા જણાવવામાં આવ્યું છે કે તમામ લાગતા વળગતા વેપારીઓ, ખેડૂતભાઈઓ તેમજ પોર્ટરભાઈઓએ આ તારીખો અંગે ખાસ નોંધ લેવી.
