પાલનપુરના જગાણા રોડ પર રીંછ જેવું જંગલી પ્રાણી દેખાતા ફફડાટ

પાલનપુરના રહેણાંક વિસ્તારમાં આજે વન્ય પ્રાણીની દહેશત જોવા મળી છે. બનાસડેરી નજીક જગાણા-કમાલપુરા રોડ પર આવેલી વંદે માતરમ્ સોસાયટી પાછળ એક અજાણ્યું જંગલી પ્રાણી દેખાતા લોકોના જીવ તાળવે ચોંટ્યા છે. "સ્થાનિક રહીશોના જણાવ્યા મુજબ, દેખાવમાં રીંછ જેવું લાગતું આ પ્રાણી અચાનક સોસાયટીના પાછળના ભાગે જોવા મળ્યું હતું. આ વાત વાયુવેગે ફેલાતા આસપાસના લોકોમાં ભયનો માહોલ સર્જાયો હતો. ઘટનાની જાણ થતા જ પાલનપુર ફોરેસ્ટ વિભાગની ટીમ કાફલા સાથે સ્થળ પર દોડી આવી છે અને પ્રાણીની ઓળખ કરવા તેમજ તેને કાબૂમાં લેવા માટે તપાસ તેજ કરી છે."ફોરેસ્ટ વિભાગ દ્વારા લોકોને અપીલ કરવામાં આવી છે કે કોઈએ ખોટી અફવાઓ ન ફેલાવવી અને વન્ય પ્રાણી જે વિસ્તારમાં હોવાની આશંકા છે ત્યાંથી દૂર રહેવું. હાલ વન વિભાગના કર્મચારીઓ વન્ય પ્રાણીને પકડવા માટેના સાધનો સાથે સર્ચ ઓપરેશન ચલાવી રહ્યા છે."શું આ ખરેખર રીંછ છે કે અન્ય કોઈ પ્રાણી? તે તો તપાસ બાદ જ ખબર પડશે.