વડનગરમાં એક દુકાનના રિનોવેશનની કામગીરી ચાલી રહી હતી, તે દરમિયાન અચાનક દુકાનની જૂની દીવાલ ધરાશાયી થઈ જવાની મોટી દુર્ઘટના સર્જાઈ હતી. આ અકસ્માતમાં કામ કરી રહેલા બે શ્રમિકો અચાનક કાટમાળ નીચે દટાઈ ગયા હતા.
ઘટનાની જાણ થતા જ આસપાસના સ્થાનિક લોકો તાત્કાલિક મદદે દોડી આવ્યા હતા. કોઈપણ પ્રકારની રાહત સામગ્રીની રાહ જોયા વગર સ્થાનિકોએ પોતાની સૂઝબૂઝ અને ભારે જહેમતથી કાટમાળ હટાવવાનું શરૂ કર્યું હતું. ભારે પ્રયાસો બાદ બંને શ્રમિકોને સુરક્ષિત રીતે બહાર કાઢવામાં આવ્યા હતા. સદનસીબે સમયસર સ્થાનિકોની મદદ મળી જવાથી બંનેનો આબાદ બચાવ થયો હતો, જેના કારણે એક મોટો અનર્થ ટળ્યો હતો.
