વડાલી પોલીસે કોંગ્રેસના ૨૦થી વધુ કાર્યકરોની અટકાયત કરી; ગાંધીનગર કિસાન યાત્રામાં જતાં જ રોક્યા

ગુજરાત કોંગ્રેસ દ્વારા આયોજિત 'કિસાન અધિકાર યાત્રા' માં જોડાવા જઈ રહેલા કાર્યકરો સામે વડાલી પોલીસે કડક વલણ અપનાવી અટકાયતનો દોર શરૂ કર્યો છે. વડાલી અને આસપાસના વિસ્તારમાંથી ૨૦થી વધુ કોંગ્રેસના સક્રિય કાર્યકરો અને આગેવાનો જ્યારે ગાંધીનગર જવા રવાના થઈ રહ્યા હતા, ત્યારે જ પોલીસે તેમની અટકાયત કરી લીધી હતી. કાયદો અને વ્યવસ્થાની સ્થિતિ જળવાઈ રહે તે માટે પોલીસે વહેલી સવારથી જ નાકાબંધી કરીને આ કાર્યવાહી કરી હોવાનું સામે આવ્યું છે, જેને પગલે સ્થાનિક રાજકારણમાં ગરમાવો આવી ગયો છે.