વિજયનગરના હરણાવ ડેમ ખાતે વરસાદની ખેંચને કારણે જળસ્તરમાં નોંધપાત્ર ઘટાડો જોવા મળી રહ્યો છે. ડેમની ૩૩૨ મીટરની મહત્તમ સપાટી સામે આજે લેવાયેલા રીડિંગ મુજબ વર્તમાન લેવલ ૩૨૩.૮૪ મીટર નોંધાયું છે, જે ગત દિવસોના ૩૩૧.૭૧ મીટરના સ્તરની સરખામણીએ મોટી ઘટ સૂચવે છે. હાલ ડેમમાં કુલ જળસંગ્રહ ૬.૭૮૬ એમસીએમ (MCM) છે, જ્યારે જીવંત જથ્થો ૨૩૯.૮૦ એમસીએફટી (MCFT) જેટલો ઉપલબ્ધ છે.
વરસાદની સ્થિતિ ચિંતાજનક જણાઈ રહી છે, કારણ કે ચાલુ વર્ષે ડેમ સાઈટ પર અત્યાર સુધીમાં માત્ર ૧૧૪ મીમી વરસાદ નોંધાયો છે. તેની સામે ગત વર્ષે આજની તારીખ સુધીમાં ૪૪૭ મીમી વરસાદ પડ્યો હતો. આમ, ગત વર્ષની સરખામણીએ ચાલુ વર્ષે ૩૩૩ મીમી એટલે કે અંદાજે ૧૩ ઇંચ વરસાદની મોટી ઘટ જોવા મળી રહી છે, જે ડેમના જળસ્તર પર સીધી અસર કરી રહી છે.
