અષાઢી માહોલ વચ્ચે કમોસમી આફત: સાબરકાંઠા જિલ્લાના પોશીનામાં ગાજવીજ સાથે વરસાદ, હિંમતનગર અને વડાલીમાં પણ છાંટા પડ્યા

સાબરકાંઠા જિલ્લાના સરહદી એવા પોશીના પંથકમાં આજે કુદરતે અણધાર્યો મિજાજ બદલ્યો છે. કાળઝાળ ગરમી અને અસહ્ય બફારા વચ્ચે આકાશ કાળા ડિબાંગ વાદળોથી ઘેરાયું હતું અને જોતજોતામાં ગાજવીજ સાથે કમોસમી વરસાદ તૂટી પડ્યો હતો. પોશીનામાં પોણો ઇંચ જેટલો વરસાદ ખાબકતા ગ્રામ્ય વિસ્તારોના મુખ્ય માર્ગો પર નદીઓની માફક પાણી વહેતા થયા હતા. આ અચાનક વરસેલા વરસાદને પગલે એકતરફ વાતાવરણમાં ઠંડક પ્રસરી છે, તો બીજીતરફ હિંમતનગર અને વડાલી સહિતના પંથકોમાં પણ વરસાદી છાંટા પડતા ખેતીપાકને લઈ ખેડૂતોના જીવ અધ્ધર થઈ ગયા છે.