ઊંઝા માર્કેટ યાર્ડ: જીરાની આવકો અને ભાવ સ્થિર, મણના સરેરાશ ભાવ ₹૪૦૦૦ સુધી પહોંચ્યા

ઈસબગુલની ૪ હજાર બોરીની આવકો સામે મણના સરેરાશ ભાવ ૨૦૦૦ થી ૨૬૦૦ રૂપિયા

ઈસબગુલ એકસપોર્ટની આઈટમ હોવાથી યુધ્ધની સીધી અસર પડી

ઉંઝા એપીએમસીમાં હાલ જીરાની ૮ હજાર બોરીની આવકો આવી રહી છે. જેની સામે મણના સરેરાશ ભાવ ૩૪૦૦ થી ૪૦૦૦ રૂપિયા જ્યારે સારા માલના ૪૦૦૦ થી ૪૨૦૦ રૂપિયા જોવા મળી રહ્યા છે. જીરાની આવકો રાજસ્થાન, કચ્છ, કાઠીયાવાડમાંથી આવી રહી છે. ચોમાસું ચાલુ થશે એટલે આવકો સાવ બંધ થઈ જશે એટલે સીઝન પુર્ણતાને આરે દેખાઈ રહી છે. યાર્ડમાં ઈસબગુલની ૪ હજાર બોરીની આવકો જોવા મળી રહી છે. જેની સામે મણના સરેરાશ ભાવ ૨૦૦૦ થી ૨૬૦૦ રૂપિયા જ્યારે સારા માલના ૨૬૦૦ થી ૨૭૦૦ રૂપિયા રહેવા પામ્યા છે. ઈસબગુલની આવકો રાજસ્થાનમાંથી આવી રહી છે. ઈસબગુલ જણસી એકસપોર્ટની આઈટમ હોવાથી યુધ્ધની સીધી અસર પડી છે.