વડગામ પોલીસે બીએસએનએલના સ્ટોર રૂમમાંથી બેટરી ચોરી કરનારા ત્રણ શખ્સોને ગણતરીના દિવસોમાં ઝડપીને જેલ હવાલે કર્યા છે.
વડગામ પોલીસ મથકે બીએસએનએલના સ્ટોર રૂમના ચોકીદાર દ્વારા ફરિયાદ નોંધાવવામાં આવી હતી કે, સ્ટોર રૂમની બારીની ગ્રિલ તોડી અજાણ્યા શખ્સોએ 57 નંગ બેટરી જેનો અંદાજિત 11,400ની કિંમતની ચોરી કરી પલાયન થયાની ફરિયાદ આપવામાં આવી હતી. ફરિયાદના આધારે વડગામ પોલીસે અલગ અલગ ટીમો બનાવીને હ્યુમન સોર્સ અને ટેકનીકલ સર્વલન્સ આધારે ચોર સુધી પહોંચીને ચોરી કરનારા ત્રણ શખ્સોને ગણતરીના દિવસોમાં ઝડપી લીધા છે.
વડગામ પોલીસે ત્રણની ધરપકડ કર્યા બાદ કોર્ટ દ્વારા રિમાન્ડ મેળવી અન્ય જગ્યાએ આ શખ્સોએ ચોરીઓને અંજામ આપેલ છે કે કેમ તે દિશામાં પણ તપાસ શરૂ કરી દીધી છે. તેમજ તેમની પાસેથી ચોરી કરેલ મુદ્દામાલ પણ કબજે કરવામાં આવ્યો છે.
