બનાસકાંઠા જિલ્લામાં રવિ સીઝન શરૂ થતા હાઇવે પર ટ્રેક્ટરો દોડતા થયા

બનાસકાંઠા પોલીસ દ્વારા હાઇવે બટાકા ના કટ્ટા ભરી જતાં ટ્રેકટર ચાલકો માટે સુચના આપવામાં આવી ટ્રેક્ટરો ની ટોલી પાછળ ફરજિયાત રેડીયમ પટ્ટી લગાવવી અને રોગ સાઇડ માં ચલાવવા પર કાર્યવાહી બનાસકાંઠા જિલ્લામાં રવિ સીઝન ની કામગીરી શરૂ થઈ છે. જેમાં ખાસ કરીને બટાકાની સિઝનને લઈ રસ્તાઓ પર બટાકાના કટ્ટા ભરી કોલ્ડ સ્ટોરેજમાં બટાકા મૂકવા ટ્રેક્ટર જતા હોય છે. પરંતુ આ ટ્રેક્ટરો ની પાછળ લગાવેલ ટોલીમાં પાછળના ભાગે કોઈ ડીપર લાઈટની સુવિધાઓ ન હોવાને કારણે રાત્રિ દરમિયાન પાછળ થી આવતા વાહનો ને આગળ જતાં ટ્રોલી સાથે નું ટ્રેક્ટર સ્પષ્ટ રીતે જોઈ શકાતું નથી જેથી અકસ્માતનો ભય રહેતો હોય છે. ત્યારે બનાસકાંઠા જિલ્લાના વિવિધ પોલીસ સ્ટેશન દ્વાર ટ્રેક્ટર ચાલકો માટે એક સુચના જાહેર કરી છે જેમાં ટ્રેક્ટર ચાલકોને ટ્રોલી પાછળ ફરજિયાત રેડિયમ પટ્ટી લગાવવાની રહશે જેથી રાત્રી દરમિયાન અન્ય વાહન ચાલકો જોઈ શકે આ ઉપરાંત રોંગ સાઈડમાં ટ્રેક્ટરનો ન ચલાવવા ની પણ સુચના આપવામાં આવી છે. તેમ છતાં હાઇવે ઉપર નિયમોનું પાલન નહીં કરવામાં આવે તો તેવા ટ્રેક્ટર ચાલકો સામે કાર્યવાહી કરવામાં આવશે. ટ્રેક્ટરોમાં મોટા અવાજે સાઉન્ડ વાગતા હોય છે તેના પર પ્રતિબંધ મૂકવામાં આવે; બનાસકાંઠા જિલ્લામાં બટાકાની સીઝન શરૂ થઈ છે ત્યારે ટ્રેક્ટરના ડ્રાઇવરો દ્વારા ટ્રેક્ટરમાં મોટા પ્રમાણમાં સાઉન્ડ સિસ્ટમ સેટ કરાવી હાઇવે અને રસ્તાઓ ઉપર મોટાભાગે સાઉન્ડ વગાડતા હોય છે તેના કારણે ધ્વનિ પ્રદૂષણની સાથે અકસ્માત નો ભય સતાવી રહ્યો છે. ત્યારે પોલીસ વિભાગ દ્વારા મોટા અવાજે સાઉન્ડ વગાડતાં ટ્રેક્ટર ચાલકો સામે પણ કાર્યવાહી કરવા માંગ ઉઠી છે. પોલીસ ની સુચના હોવા છતાં હાઇવે પર અનેક ટ્રેક્ટરો રોગ સાઇડમાં જતા હોય છે; બનાસકાંઠા જિલ્લાના હાઇવે પર અકસ્માતો નું પ્રમાણ નિવારી શકાય તે માટે પોલીસ દ્વારા પ્રયાસો કરવા માં આવે છે તેમ છતાં હાઇવે પર ચાલતા વાહન ચાલકો નિયમોનું પાલન કરતા નથી જેમાં અત્યારે બટાટા ની સિઝન ચાલતી હોવાથી અનેક ટ્રેક્ટર માલિકો હાઇવે પર પણ રોગ સાઇડ માં ટ્રેક્ટર ચલાવી રહ્યા છે.