કાંકરેજ તાલુકાના ખીમાણા ગામે 12 ઓગષ્ટને બુધવારના રોજ સવારે વિકસિત ભારતના સંકલ્પ સાથે તિરંગા યાત્રા યોજાઈ હતી. ખીમાણા હાઈસ્કૂલથી પ્રસ્થાન થયેલ તિરંગા યાત્રામાં કાંકરેજ મામલતદાર -કાંકરેજ ટીડીઓ - શિહોરી પોલીસ સ્ટેશનના પી.આઇ - પોલીસ સ્ટાફ - જીઆરડી જવાનો સહિત કાંકરેજ તાલુકા ભાજપના હોદ્દેદારો તેમજ ખીમાણા હાઈસ્કૂલ - ખોડા હાઈસ્કૂલ અને આજુબાજુની શાળાના બાળકો તેમજ લોકો જોડાયા હતા.
ડીજેના તાલે દેશભક્તિના માહોલ વચ્ચે નીકળેલી તિરંગા યાત્રામાં ભારત માતાકી જય - હર ઘર તિરંગા - ઘર ઘર તિરંગાના નાદ ગુંજી ઉઠ્યા હતા. સવારે 8 વાગ્યે ખીમાણા હાઈસ્કૂલથી નીકળેલી તિરંગા યાત્રા ખીમાણા હાઇવે ચાર રસ્તાથી પરત ફરી ખીમાણા હાઈસ્કૂલ ખાતે પહોંચી હતી અને યાત્રાનું સમાપન કરવામાં આવ્યું હતું. આ પ્રસંગે મંચસ્થ મહાનુભાવોએ પ્રસંગને અનુરૂપ પોતાનું પ્રવચન આપ્યું હતું.
