ડીસામાં ફટાકડાની ફેકટરીમાં થયેલ બ્લાસ્ટનો મામલો સુપ્રીમ કોર્ટમાં પહોંચ્યો; અરજી સ્વીકારી

ડીસામાં ફટાકડાની ફેકટરીમાં થયેલ બ્લાસ્ટનો મામલો સુપ્રીમ કોર્ટમાં પહોંચ્યો છે.જેમાં દરેક મૃતકોને 2 કરોડનું વળતર આપવાની માંગ સાથે વકીલ ઉત્કર્ષ દવે દ્વારા સુપ્રીમ કોર્ટમાં અરજી દાખલ કરવામાં આવી હતી. જેમાં બ્લાસ્ટની સમગ્ર તપાસ ગુજરાત રાજ્ય બહારની પોલીસ પાસે કરાવવા સહિત સરકારના સબંધિત અધિકારીઓ વિરુદ્ધ ફરી તપાસ કરાવવાની,તમામ ફટાકડા ઉત્પાદન કરતી ફેક્ટરીઓની તપાસ કરાવવાની પણ માંગ મુદ્દે સુપ્રીમ કોર્ટે અરજી સ્વીકારી લીધી છે અને સબંધિત પક્ષકારો ગુજરાત સરકાર, ચીફ સેક્રેટરી, ગૃહ વિભાગના સેક્રેટરી અને બનાસકાંઠા કલેક્ટરને નોટિસ પણ ઇસ્યુ કરી છે. જે સમગ્ર મામલાની આગામી 29 સપ્ટેમ્બરના રોજ વધુ સુનાવણી હાથ ધરાશે.