ડીસાના ઝાબડીયા ગામે જુગાર રમતા છ શખ્સો ઝડપાયા, કુલ 4,070 નો મુદ્દામાલ જપ્ત

ડીસા રૂરલ પોલીસની ટીમે બાતમીના આધારે ઝાબડીયા ગામમાં હોળા પાસે બાવળોની ઝાડીઓ વચ્ચે ચાલી રહેલા જુગારધામ પર દરોડો પાડ્યો હતો. પોલીસે ઘટનાસ્થળેથી છ ઇસમોને ગંજીપાના વડે જુગાર રમતા ઝડપી પાડ્યા હતા.તેમની પાસેથી પોલીસે કુલ 4,070 રોકડા અને જુગાર રમવામાં વપરાતા ગંજીપાના જપ્ત કર્યા છે. પકડાયેલા આરોપીઓમાં લક્ષ્મણસિંગ કૃતાજી સોલંકી (ઉ.વ.45), સમાભાઈ ખેમાભાઈ ઘટાડ (ઉ.વ.50), ટીનાજી મદારજી ઠાકોર(ઉ.વ.32), પ્રકાશજી ચુનાજી ઠાકોર(ઉ.વ.20), મેલુજી રાણાજી ઠાકોર (ઉ.વ.21), અને મુનાજી જગતજી ઠાકોર (ઉ.વ.58)નો સમાવેશ થાય છે. આ તમામ રહેવાસીઓ ઝાબડીયા ગામના છે. પોલીસે તમામ આરોપીઓ વિરુદ્ધ જુગારધારા કલમ-12 મુજબની કાયદેસરની કાર્યવાહી હાથ ધરી છે.