સાબરકાંઠા; ઈડર તાલુકામાં સગીરા પર બે યુવકોએ દુષ્કર્મ આચર્યું આરોપીઓની ધરપકડ

ઈડર તાલુકામાં એક ચોંકાવનારી ઘટના સામે આવી છે. 14 વર્ષની સગીરા પર બે યુવકોએ દુષ્કર્મ આચર્યું હતું. આરોપીઓ દર્શન સુતરીયા અને હરપાલ રાઠોડે સગીરાને જાનથી મારી નાખવાની ધમકી આપી હતી. હરપાલ રાઠોડે સગીરાને ઈડરના સાપાવાડ નજીકના એક ગેસ્ટ હાઉસમાં લઈ જઈ દુષ્કર્મ આચર્યું હતું. બંને આરોપીઓએ અલગ-અલગ સમયે અને સ્થળે સગીરા પર દુષ્કર્મ આચર્યું હતું. સગીરાની તબિયત લથડતા પરિવારજનોએ સિવિલ હોસ્પિટલમાં તપાસ કરાવી ત્યારે તે 8 માસની ગર્ભવતી હોવાનું જાણવા મળ્યું. અધૂરા મહિને પ્રસૂતિની પીડા ઉપડતા સગીરાને પહેલા ઈડર સિવિલ હોસ્પિટલ અને પછી હિંમતનગર સિવિલ હોસ્પિટલમાં ખસેડવામાં આવી હતી. સગીરાએ પુત્રને જન્મ આપ્યો, પરંતુ જન્મ સાથે જ બાળકનું મૃત્યુ થયું. આ અગે ઇડર પોલીસ સ્ટેશનના PI સી.જી.રાઠોડે ટેલીફોનીક વાતચીતમાં જણાવ્યું હતું કે,ગર્ભવતી સગીરાની અધૂરા માસે ડિલિવરી થતા બાળકનું મોત નીપજ્યું છે.બીજી તરફ ધરપકડ કરેલ બંને આરોપીઓના ઇડર સિવિલમાં સેમ્પલ લઈને આજે કોર્ટમાં રજુ કર્યા હતા જ્યાં કોર્ટે રિમાન્ડ ના મંજુર કર્યા હતા.જેને લઈને બંને આરોપીઓને સબજેલમાં મોકલી આપ્યા હતા.