સાબરકાંઠા જિલ્લામાં સ્થાનિક સ્વરાજ્યની ચૂંટણીને લઈને વહીવટી તંત્ર અને પોલીસ વિભાગ સજ્જ બન્યું છે. ૨૬મી એપ્રિલના રોજ યોજાનાર મતદાન પૂર્વે આવતીકાલે સવારથી જ જિલ્લાના તમામ તાલુકા મથકોએથી EVM ડિસ્પેચિંગની પ્રક્રિયા હાથ ધરવામાં આવશે. આ સાથે જ શાંતિપૂર્ણ માહોલમાં મતદાન સંપન્ન થાય તે માટે ચુસ્ત પોલીસ બંદોબસ્તની ફાળવણી કરી દેવામાં આવી છે. ઉલ્લેખનીય છે કે, આગામી રવિવારે ૨૬મી એપ્રિલના રોજ સવારે ૭:૦૦ વાગ્યાથી મતદાનનો પ્રારંભ થશે. સાબરકાંઠાના મતદારો પોતાના મતાધિકારનો ઉપયોગ કરી સ્થાનિક સરકારની પસંદગી કરશે. તંત્ર દ્વારા વધુમાં વધુ મતદાન થાય તે માટે અપીલ પણ કરવામાં આવી છે.
