સાબરકાંઠા; એલસીબી ટીમે પેટ્રોલિંગ દરમિયાન આઠ લાખનો વિદેસી દારૂ પકડી પાડ્યો

પોલીસે ઇડર તરફથી આવતી પાયલોટીંગ કરતી ઇકો ગાડી (GJ.03.KP.7247) અને તેની પાછળ આવતી સફેદ કલરની મહીન્દ્રા બોલેરો જીપ (GJ.09.BD.2925)ને રોકી હતી. બોલેરો જીપની તપાસ કરતાં ચાલકની બાજુની સીટમાં, વચ્ચેની સીટમાં અને પાછળની સીટના પગ મૂકવાની જગ્યાએથી ભારતીય બનાવટના વિદેશી દારૂ અને બિયરના 1536 નંગ કિંમત રૂ. 3,57,984 મળી આવ્યા હતા. પોલીસે ચાર આરોપીઓને ઝડપી લીધા છે. જેમાં પ્રકાશ રમેશભાઇ ખરાડી (31), શાંતિલાલ જગુભાઇ ખરાડી (22), જીતેન્દ્ર રમેશભાઇ ખરાડી (25) અને એક કિશોરનો સમાવેશ થાય છે. આ તમામ આરોપીઓ રાજસ્થાનના ડુંગરપુર જિલ્લાના બીંછીવાડા તાલુકાના રહેવાસી છે. પોલીસે આરોપીઓ પાસેથી ચાર મોબાઇલ ફોન (રૂ. 20,000), બોલેરો જીપ (રૂ. 2,00,000) અને ઇકો ગાડી (રૂ. 3,00,000) સહિત કુલ રૂ. 8,77,984નો મુદ્દામાલ કબજે કર્યો છે. દારૂ મંગાવનાર અને આપનાર બે આરોપીઓ હજુ ફરાર છે. હિંમતનગર ગ્રામ્ય પોલીસ સ્ટેશનમાં છ આરોપીઓ વિરુદ્ધ ગુનો નોંધી આગળની કાર્યવાહી હાથ ધરવામાં આવી છે. પોલીસ હવે ફરાર આરોપીઓને પકડવા માટે પ્રયાસ કરી રહી છે.