સાબરકાંઠા; વાહન ચેકીંગ દરમિયાન ગુપ્ત ખાનામાંથી વિદેશી દારૂ ઝડપાયો

ગુજરાત રાજ્યમાં દારૂબંધી હોવા છતાં બુટલેગરો વિવિધ માર્ગે દારૂ ઘુસાડવાના પ્રયાસો કરતા રહે છે. શામળાજી પોલીસે મોટી સફળતા મેળવી છે. શામળાજી પોલીસે ગુજરાત-રાજસ્થાન સરહદ પર આવેલી અણસોલ ચેકપોસ્ટ પાસે વાહન ચેકિંગ દરમિયાન શંકાસ્પદ ટ્રકની તપાસ કરતાં તેની બંધ બોડીમાં એક ગુપ્ત ખાનું મળી આવ્યું હતું. આ ગુપ્ત ખાનામાંથી પોલીસને 11,664 નંગ વિદેશી દારૂની બોટલો મળી આવી હતી. જપ્ત કરાયેલા દારૂની કિંમત આશરે 16.69 લાખ રૂપિયા છે. પોલીસે આ કેસમાં એક આરોપીની ધરપકડ કરી છે. શામળાજી પોલીસે આ મામલે ગુનો નોંધી આરોપી પાસેથી દારૂનો જથ્થો ક્યાંથી લાવવામાં આવ્યો અને ક્યાં લઈ જવાનો હતો તે સહિતની વિગતો મેળવવા માટે વધુ તપાસ હાથ ધરી છે.