સાબરકાંઠા: ફિલ્મી ઢબે પીછો કરી દારૂ ભરેલી કાર ઝડપાઈ, 4 સામે ગુનો દાખલ, એક ઝડપાયો

સાબરકાંઠાના ગાંભોઈ પંથકમાં પોલીસ અને બુટલેગરો વચ્ચે ફિલ્મી દ્રશ્યો સર્જાયા હતા. બાતમીના આધારે વિદેશી દારૂ ભરેલી કારને રોકવાનો પ્રયાસ કરતા, બુટલેગરોએ પોલીસના વાહનને જોરદાર ટક્કર મારી નાસી છૂટવાનો પ્રયાસ કર્યો હતો. જોકે, પોલીસે જીવના જોખમે ફિલ્મી ઢબે પીછો કરી કારને આંતરી લીધી હતી અને ₹1.28 લાખનો મુદ્દામાલ જપ્ત કર્યો હતો. આ સાહસિક ઓપરેશનમાં પોલીસે એક આરોપીને દબોચી લીધો છે, જ્યારે નાસી છૂટેલા અન્ય ત્રણ શખ્સો સહિત કુલ 4 સામે ગુનો નોંધી તપાસના ચક્રો ગતિમાન કર્યા છે.