સાબરકાંઠા; વિદેસી દારૂ સાથે 2 લોકોની ધરપકડ 2.67 લાખનો મુદ્દામાલ જપ્ત

સાબરકાંઠા જિલ્લા પોલીસને વધુ એક મોટી સફળતા મળી છે. ગેરકાયદેસર રીતે ગુજરાતમાં લવાતા ભારતીય બનાવટી અંગ્રેજી દારૂ સાથે 2 લોકોની અટકાયત કરવામાં આવી છે. પ્રાંતિજ નજીકથી બાતમીના આધારે પોલીસે કાર્યવાહી કરીને 12 લાખ કરતાં વધુના મુદ્દામાલ સાથે જિલ્લા એલ.સી.બી પોલીસે 2 આરોપીને દબોચ્યા છે. પોલીસે 948 દારૂની બોટલ ઝડપી છે, જેની કિંમત આશરે 2,67,000 રૂપિયા થાય છે. સાબરકાંઠા પોલીસે રાજસ્થાનના 2 આરોપીને દબોચ્યા છે અને આગળની કાર્યવાહી શરૂ કરી છે. દારૂ મોકલનાર સહિત મગાવનાર 11 આરોપીઓને વોન્ટેડ જાહેર કરવામાં આવ્યા છે.