પાલનપુરમાં બે આરોપી ઓનો વરઘોડો કાઢતી પોલીસ

ખંડણી સહિતના 20 જેટલા ગુનાઓમાં સંડોવાયેલા આરોપીઓને દબોચી લેતી પોલીસ પાલનપુરમાં ખંડણી, મારામારી, મર્ડર, લૂંટ સહિતના 20 જેટલા ગુનાઓ આચરી લોકોમાં ભયનો માહોલ પેદા કરનારા 2 શાતિર આરોપીઓને પોલીસે દબોચી લીધા હતા. બાદમાં બનાવના રિકન્સ્ટ્રક્શનને લઈને પોલીસે આરોપીઓનો વરઘોડો કાઢ્યો હતો. પાલનપુર શહેરમાં ખંડણી માંગવા સહિતની ગુનાખોરી આચરનાર 2 આરોપીઓને પોલીસે દબોચી લીધા હતા. પાલનપુરમાં તાજેતર માં ખંડણીની ફરિયાદ નોંધાઇ હતી. જે ગુનામાં પાલનપુર શહેર પૂર્વ પોલીસે ટેક્નિકલ સર્વેલન્સના આધારે ઇમરાન ઈલિયાસભાઈ સિંધી અને અફઝલ ગફુરભાઈ નાગોરી રહે.નાગોરીવાસવાળાને ઝડપી લીધા હતા. આ બંને આરોપીઓ ખંડણી, લૂંટ, ધાડ, મારામારી, શરીર સંબંધી 20 જેટલા ગુનાઓ આચરી લોકોમાં ધાક બેસાડવાની કોશિશ કરનારા શાતિર આરોપીઓ હતા. જેથી બંનેને દબોચી લઈ પોલીસે બનાવ વાળા સ્થળે લઈ જઈ રિકન્સ્ટ્રક્શન કરી જાહેરમાં વરઘોડો કાઢી લોકોમાં આરોપી ઓનો ખોફ ઓછો કરવાનો પ્રયાસ કર્યો હતો. પાલનપુર શહેર પૂર્વ પોલીસના પી.આઈ.એસ. એમ.પટણીએ અસામાજિક તત્વો સામે ખુલીને બહાર આવી પોલીસને જાણ કરવા અપીલ કરી હતી. તેઓએ ફરિયાદી ઇચ્છશે તો તેનું નામ ગુપ્ત રાખવાની પણ બાંહેધરી આપી હતી.