ખેરાલુ; નવ ફૂટનો અજગર જોવા મળ્યો,લોકોના ટોળે ટોળા

ખેરાલુ શહેરમાં ગઈકાલે રાત્રે એક મોટો અજગર જોવા મળ્યો હતો. સેવા સદન સામે આવેલા કણજીના વૃક્ષ પર 9 ફૂટ લાંબો અજગર દેખાતા લોકોના ટોળેટોળા એકઠા થઈ ગયા હતા. રાત્રે 2 કલાક સુધી અજગરને પકડવાની કામગીરી ચાલી હતી. સ્થાનિક સાપ પકડનાર મહેમુદખાન અને તેમના પુત્ર અલીખાન તેમજ વન વિભાગના કર્મચારીઓએ સંયુક્ત રીતે રેસ્ક્યુ ઓપરેશન હાથ ધર્યું હતું. એક કલાકની ભારે જહેમત બાદ અજગરને સફળતાપૂર્વક પકડી લેવામાં આવ્યો હતો. વન વિભાગની ટીમે અજગરને સુરક્ષિત રીતે તારંગાના જંગલમાં છોડી દીધો હતો. આ ઘટનાએ સમગ્ર વિસ્તારમાં ભારે કુતૂહલ સર્જ્યું હતું.