હાય ગરમી; મોટાભાગના રસ્તાઓ બપોરે સૂમસામ દેખાયા,ઊભા રહેવું મુશ્કેલ

મહેસાણામાં ગરમીનું પ્રમાણ દિવસે દિવસે વધી રહ્યું છે. શહેરમાં બપોરના 12 વાગ્યા પછી બજારોમાં ભીડ ઓછી થઈ જાય છે. મોટાભાગના રસ્તાઓ બપોરે સૂમસામ દેખાય છે. ગરમીથી બચવા માટે મહેસાણાના રહેવાસીઓએ વિવિધ ઉપાયો અપનાવ્યા છે. પગપાળા કે વાહન પર જતી વખતે લોકો મોઢા પર રૂમાલ બાંધે છે. મહિલાઓ દુપટ્ટાથી મોઢું ઢાંકે છે. શ્રમિક વર્ગના લોકો વૃક્ષોની છાયામાં આરામ કરતા જોવા મળે છે. મોટાભાગના લોકો હવે પોતાના બજારના કામ સાંજે પૂરા કરે છે. ગઈકાલે સવારથી જ વાતાવરણ ગરમ રહ્યું હતું. બપોરે 12થી સાંજે 4 વાગ્યા સુધી ખુલ્લામાં ઊભા રહેવું મુશ્કેલ બન્યું હતું. સાંજે 5:30 વાગ્યે તાપમાન 38 ડિગ્રી સેલ્સિયસની આસપાસ નોંધાયું હતું.