ઈનચાર્જ ડિસ્ટિક જજ એ.જે. કાનાણી દ્વારા ભાભર કોર્ટ મુકામે આકસ્મિક આરોગ્ય સેવા કેન્દ્રનું ઉદઘાટન કરવામાં આવ્યું હતું. કાર્યક્રમની શરૂઆતમાં દીપ પ્રાગટ્ય કરી અને આકસ્મિક આરોગ્ય કેન્દ્રને રીબીન કાપીને ખુલ્લું મૂકવામાં આવ્યું હતું.
ઈનચાર્જ ડિસ્ટ્રિક્ટ જજ એ.જે કાનાણી એ જણાવ્યું હતું કે લોકોને ઝડપી ન્યાય સાથે સારું સ્વાસ્થ્ય મળી રહે તે હેતુ સહ આજરોજ ભાભર કોર્ટ મુકામે આકસ્મિક આરોગ્ય કેન્દ્ર ખુલ્લું મુકવામાં આવ્યું છે જેમાં કોર્ટ માં આવતા પક્ષકાર, વકીલ,તેમજ કોર્ટ સ્ટાફ ને ઇમરજન્સી આરોગ્ય સુવિધા મળી રહેશે તેમજ ભાભર બાર એસોશિયન દ્વારા સાલ ઓઢાડી સ્વાગત કરવામાં આવ્યું હતું. ઉદ્ઘાટન પ્રસંગે એડિશનલ સિવિલ જજ આર.કે તનવર, એ.આર.ત્રિવેદી,ભાભર કોર્ટ પીપી વકીલ એ.જે ઠાકોર સહિત ભાભર બાર એસોસિયનના પ્રમુખ સહિત બાર એસોસિએશનના સભ્યો વકીલ મિત્રો સહિત ભાભર કોર્ટ સ્ટાફ ભાભર પોલીસ સ્ટાફ ઉપસ્થિત રહ્યો હતો.
